ავტორიზაცია
ესპანელი ნახევარმცველი პსჟ-ს ტოვებს და ყოფილ გუნდში ბრუნდება
ესპანელი ნახევარმცველი ანდერ ერერა „პსჟ-ს“ ტოვებს.
ჟურნალისტ ლოიკ ტანზის ინფორმაციით, 33 წლის ფეხბურთელმა გუნდთან კონტრაქტის გაწყვეტაზე მოილაპარაკა.
ერერა კარიერას თავის ყოფილ გუნდში, ბილბაოს „ატლეტიკში“ გააგრძელებს, რომელშიც 2011-2014 წლებში თამაშობდა.
„პსჟ-ში“ ერერა 2019/20-სეზონში, „მანჩესტერ იუნაიტედიდან“ უფასოდ გადავიდა.
პარიზულ გუნდთან ერთად ერერამ ჯამში შვიდი ტიტული მოიგო, საიდანაც ორი - საფრანგეთის ჩემპიონატია. ასევე, ის ჩემპიონთა ლიგის ფინალშიც გავიდა თავის პირველ სეზონში, სადაც მიუნხენის „ბაიერნთან“ დამარცხდა.
