ესპანეთის პროკურატურამ რუბიალესის წინააღმდეგ გამოძიება დაიწყო

ესპანეთის სამეფო ფეხბურთის ფედერაციის ხელმძღვანელმა ქალთა მსოფლიო ჩემპიონატზე ესპანეთის ნაკრების გამარჯვების შემდეგ, ფეხბურთელს ტუჩებში აკოცა. 

შედეგად, რუბიალესი კრიტიკის ობიექტი გახდა, ფიფამ ფუნქციონერი საქმიანობას 90 დღით ჩამოაშორა.

ამასობაში ესპანეთის პროკურატურამ ლუის რუბიალესის მიმართ გამოძიება დაიწყო. ამის შესახებ ადგილობრივი მედია იუწყება. 

როგორც უცხოურ მედიაში იწერება, რუბიალესის ქმედებები შეიძლება სექსუალურ ძალადობად ჩაითვალოს.