ეტო'ო: "თუ აფრიკელი ფეხბურთელი ხარ, შენთვის ოქროს ბურთის მოგება რთულია"
"რეალის", "ბარსელონას", "ინტერისა" და "ჩელსის" ექს-ფორვარდმა, სამუელ ეტო'ომ განაცხადა, რომ აფრიკელი ფეხბურთელებისთვის "ოქროს ბურთის" მოგება რთულია.
"ეს ფაქტის კონსტატაციაა. თუ აფრიკელი ხარ, შენთვის ამ ჯილდოს მოგება რთულია. მხოლოდ ვეამ შეძლო ეს 1995 წელს. 27 წლის წინ. ამან ჩვენი კონტინენტის სპორტული ისტორია უნდა შეცვალოს".
"მხოლოდ ღარიბი ადამიანები არ ვართ, ბედისგან განწირულები, ტექნიკურ ბრწყინვალებასაც ვფლობთ: NBA-ს ვარსკვლავი, ჯოელ ემბიდი "ფილადელფიადან" - კამერუნელია, ახლახან მიიღო ტრავმა, მაგრამ ჩემპიონატის ერთ-ერთი საუკეთესო მოთამაშე გახლდათ".
"ერითრეელმა ველომრბოლელმა, ბინიამ გირმეიმ "გენტ ვეველგემი" მოიგო, პირველი აფრიკელი მრბოლელი გახდა, რომელმაც გრანდ კლასიკზე იმარჯვა".
"ნიჭიერები ვართ და არა ღარიბი ხალხი", - ციტირებს ვეტერანი კამერუნელის სიტყვებს La Reppublica.
