ევერტონმა და რომამ შეიძლება ფეხბურთელები გაცვალონ

"ევერტონი" თავდამსხმელ ბერნარდის "რომას" გოლკიპერ რობინ ოლსენში გაცვლას აპირებს, წერს Corriere dello Sport.

გავრცელებული ცნობით, "კანფეტები" რომაელებს ოლსენის სანაცვლოდ, რომელიც ამ სეზონს ინგლისურ კლუბში იჯარით ატარებს, ბრაზილიელ ფორვარდს დაუთმობენ.

როგორც იუწყებიან, აღნიშნული გარიგების მომხრეა "ევერტონის" მთავარი მწვრთნელი, კარლო ანჩელოტიც.

2020/21 წლების სეზონში ბერნარდმა 10 მატჩი ჩაატარა, 2 გოლი გაიტანა და 1 ასისტი მიითვალა. ოლსენის ანგარიშზე 4 შეხვედრა და 4 გაშვებული ბურთია.