ავტორიზაცია
ევრო 2024: B ჯგუფი - ესპანეთი პირველი ადგილით გავიდა, იტალია კი ბოლო წამებზე გადარჩა
ცოტა ხნის წინ დასრულდა ევროპის ჩემპიონატის B ჯგუფის მე-3 ტურის შეხვედრები.
დიუსელდორფში ესპანეთი, რომელიც მატჩამდეც პირველ ადგილზე იყო, ალბანეთს დაუპირისპირდა და 1-0 დაამარცხა. ერთადერთი გოლი ფერან ტორესის ანგარიშზეა, რომელმაც დანი ოლმოს შესანიშნავი პასი გამოიყენა და მარცხენა ფეხით ტომას სტრაკოშას კარი აიღო.
ჯგუფის მეორე შეხვედრაში ერთმანეთს ხორვატია და იტალია შეხვდნენ. 54-ე წუთზე ჯანლუიჯი დონარუმამ ლუკა მოდრიჩს პენალტი აუღო, თუმცა ხორვატთა შეტევა გაგრძელდა და რამდენიმე წამში მოდრიჩმა იტალიას მაინც გაუტანა. ზლატკო დალიჩის გუნდი თავს კარგად იცავდა, თუმცა ბოლო წამებზე მაინც გაუშვა - გოლი მატია ძაკანიმ (90'+8) შეაგდო და "სკაუდრა აძურას" მეორე ადგილი დაუბრუნა. ხორვატია კი, დიდი ალბათობით, ტურნირს დაემშვიდობა.
