ავტორიზაცია
ევრო 2024 | ბელგია დამარცხდა - საფრანგეთი მეოთხედფინალშია!
ევროპის ჩემპიონატის მერვედფინალში საფრანგეთმა ბელგია 1-0 დაამარცხა და მომდევნო ეტაპზე გავიდა.
ერთადერთი გოლი 85-ე წუთზე გავიდა - რანდალ კოლო მუანის დარტყმის შემდეგ იან ვერტონგენმა ბურთი საკუთარ კარში ჩაჭრა. დომენიკო ტედესკოს გუნდმა სიტუაციის შეცვლა ვეღარ მოასწრო და წააგო.
მატჩის საუკეთესო ფეხბურთელად ჟიულ კუნდე დასახელდა.
აღსანიშნავია, რომ "მამლებმა" ევრო 2000-ის ფინალის შემდეგ, ევროპის ჩემპიონატის ფლეიოფის მატჩი საფრანგეთის საზღვრებს გარეთ პირველად მოიგეს.
საფრანგეთი 5 ივლისს, 23:00 საათზე, მეოთხედფინალში, პორტუგალიასა და სლოვენიას (ეს მატჩი დღეს, 23:00 საათზე დაიწყება) შორის გამარჯვებულს დაუპირისპირდება.
