ავტორიზაცია
ევრო 2024 | გერმანია 2:0 დანია - ბუნდესმანშაფტი მეოთხედფინალშია
დორტმუნდში, სიგნალ იდუნა პარკზე, გერმანიასა და დანიას შორის ევროპის ჩემპიონატის მერვედფინალური მატჩი გაიმართა.
მე-4 წუთზე გერმანიამ გაიტანა, მაგრამ ნიკო შლოტერბეკის გოლი ჯარიმის გამო გაუქმდა. მეორე ტაიმში, 50-ე წუთზე, გოლი უკვე დანიას არ ჩაუთვალეს - იოახიმ ანდერსენმა მანუელ ნოიერს გაუტანა, მაგრამ მომენტის VAR-ზე გადამოწმების შემდეგ გამოჩნდა, რომ მანამდე ტომას დილეინი თამაშგარე მდგომარეობაში იმყოფებოდა.
ანდერსენს მალევე, 2 წუთში კიდევ უფრო არ გაუმართლა და საჯარიმოში ბურთი ხელში მოხვდა, რის გამოც "ბუნდესნაკრები" პენალტით დაჯილდოვდა - თერთმეტმეტრიანი კაი ჰავერცმა გამოიყენა და ანგარიში გახსნა. 68-ე წუთზე იოახიმს ჯამალ მუსიალაც გაეპარა, ამ უკანასკნელმა კი კასპერ შმეიხელს შანსი არ დაუტოვა და იულიან ნაგელსმანის გუნდმა 2-0 მოიგო.
გერმანია მეოთხედფინალში ესპანეთსა და საქართველოს შორის გამარჯვებულს დაუპირისპირდება.
