ავტორიზაცია
ევრო 2024-ის 1/2-ფინალი: ესპანეთი 🆚 საფრანგეთი
დღეს ევროპის ჩემპიონატის ნახევარფინალები იწყება - პირველ მატჩში, მიუნხენში, ალიანც არენაზე ერთმანეთს ესპანეთი და საფრანგეთი დაუპირისპირდებიან.
ესპანეთი მიმდინარე ტურნირზე, ჯერჯერობით, უდანაკარგოა. ლუის დე ლა ფუენტეს შეგირდებმა ჯგუფური ეტაპის პირველ ტურში ხორვატია 3-0 დაამარცხეს, შემდეგ იტალიას 1-0 სძლიეს, ბოლოს კი ალბანეთს ასევე ერთადერთი გოლით მოუგეს. „ფურია როხა“ მერვედფინალში საქართველოს შეხვდა და მიუხედავად იმისა, რომ რობინ ლე ნორმანის ავტოგოლის გამო მარცხდებოდა, მატჩი შემოატრიალა და 4-1 იმარჯვა. მეოთხედფინალში ესპანეთმა მასპინძელი გერმანია 2-1 დაამარცხა: შეხვედრა ძალიან დაძაბული გამოდგა - 119-ე წუთამდე ანგარიში 1-1 იყო, შემდეგ კი მიკელ მერინოს თავურით "ფურია როხა" შემდეგ ეტაპზე გავიდა. აღსანიშნავია, რომ ესპანეთს საფრანგეთის წინააღმდეგ დანი კარვახალი (წითელი ბარათი), პედრი (ტრავმა) და რობინ ლე ნორმანი (ყვითელი ბარათები) დააკლდება.
ესპანეთი მიმდინარე ტურნირზე, ჯერჯერობით, უდანაკარგოა. ლუის დე ლა ფუენტეს შეგირდებმა ჯგუფური ეტაპის პირველ ტურში ხორვატია 3-0 დაამარცხეს, შემდეგ იტალიას 1-0 სძლიეს, ბოლოს კი ალბანეთს ასევე ერთადერთი გოლით მოუგეს. „ფურია როხა“ მერვედფინალში საქართველოს შეხვდა და მიუხედავად იმისა, რომ რობინ ლე ნორმანის ავტოგოლის გამო მარცხდებოდა, მატჩი შემოატრიალა და 4-1 იმარჯვა. მეოთხედფინალში ესპანეთმა მასპინძელი გერმანია 2-1 დაამარცხა: შეხვედრა ძალიან დაძაბული გამოდგა - 119-ე წუთამდე ანგარიში 1-1 იყო, შემდეგ კი მიკელ მერინოს თავურით "ფურია როხა" შემდეგ ეტაპზე გავიდა. აღსანიშნავია, რომ ესპანეთს საფრანგეთის წინააღმდეგ დანი კარვახალი (წითელი ბარათი), პედრი (ტრავმა) და რობინ ლე ნორმანი (ყვითელი ბარათები) დააკლდება.
საფრანგეთი ჯგუფურ ეტაპზე არცისე შთამბეჭდავი იყო. დიდიე დეშამის შეგირდებმა პირველ ტურში ავსტრიას მაქს ვიობერის ავტოგოლით 1-0 მოუგეს, შემდეგ ნიდერლანდებთან უგოლო ფრე ითამაშეს, ბოლო ტურში პოლონეთთან გამართული შეხვედრა კი 1-1 დასრულდა. „მამლებმა“ ჯგუფურ ეტაპზე მხოლოდ 2 გოლი გაიტანეს და მეორე ადგილზე გავიდნენ - პირველი ადგილი 6 ქულით ავსტრიამ დაიკავა, საფრანგეთს კი 5 ქულა ჰქონდა. დეშამის გუნდი მერვედფინალში ბელგიას დაუპირისპირდა და თამაშის ხარისხით ვერც იქ გამოირჩა - საბოლოოდ, 85-ე წუთზე, რანდალ კოლო მუანის დარტყმის შემდეგ, იან ვერტონგენმა ბურთი საკუთარ კარში ჩაჭრა და საფრანგეთი მეოთხედფინალში გავიდა. "ლურჯებმა" მეოთხედფინალში პორტუგალია პენალტების სერიაში დაამარცხეს. შედეგად, ამ მომენტისთვის, „მამლებს“ ტურნირზე მხოლოდ 3 გოლი აქვთ გატანილი: 2 ავტოგოლი და კილიან მბაპეს პენალტი.
ესპანეთის სავარაუდო XI: სიმონი; ნავასი, ნაჩო, ლაპორტი, კუკურელია; ოლმო, როდრი, ფაბიან რუისი; იამალი, მორატა, უილიამსი.
საფრანგეთის სავარაუდო XI: მენიო; კუნდე, სალიბა, უპამეკანო, ტეო ერნანდესი; კანტე, ჩუამენი, კამავინგა, გრიზმანი; კოლო მუანი, მბაპე.
მატჩს, რომელიც სტარტს 23:00 საათზე აიღებს, სლოვენიელი არბიტრი, სლავკო ვინჩიჩი განსჯის.
