ავტორიზაცია
ევრო 2024-ის 1/4-ფინალური მატჩი: ესპანეთი 🆚 გერმანია | პრევიუ
დღეს ევროპის ჩემპიონატის მეოთხედფინალები იწყება - პირველ მატჩში ერთმანეთს ესპანეთი და გერმანია დაუპირისპირდებიან.
ესპანეთი მიმდინარე ტურნირზე, ჯერჯერობით, უდანაკარგოა. ლუის დე ლა ფუენტეს შეგირდებმა ჯგუფური ეტაპის პირველ ტურში ხორვატია 3-0 დაამარცხეს, შემდეგ იტალიას 1-0 სძლიეს, ბოლოს კი ალბანეთს ასევე ერთადერთი გოლით მოუგეს. „ფურია როხა“ მერვედფინალში საქართველოს შეხვდა და მიუხედავად იმისა, რომ რობინ ლე ნორმანის ავტოგოლის გამო მარცხდებოდა, მატჩი შემოატრიალა და 4-1 იმარჯვა.
ესპანელთა მსგავსად, ჯგუფში არც გერმანიას წაუგია, მაგრამ ყველა მატჩი ვერ მოიგო. „ბუნდესმანშაფტმა“ ევრო 2024-ის გახსნით მატჩში შოტლანდია 5-1 გაანადგურა, შემდეგ კი უნგრეთს 2-0 სძლია, მაგრამ მე-3 ტურში შვეიცარიასთან ფრედ ითამაშა. აღსანიშნავია, რომ იულიან ნაგელსმანის გუნდს A ჯგუფში პირველი ადგილი ნიკლას ფიულკრუგის მიერ 90’+2 წუთზე გატანილმა გოლმა მოუპოვა - რომ არა ეს გოლი, პირველ პოზიციას მურათ იაკინის შეგირდები დაიკავებდნენ. გერმანია მერვედფინალში დანიას შეხვდა და 2-0 დაამარცხა.
აღსანიშნავია, რომ გერმანიამ არსებობის ისტორიაში ერთ-ერთი ყველაზე სამარცხვინო მატჩი სწორედ ესპანეთთან განიცადა - 2020 წელს, ერთა ლიგაზე ესპანელებმა გერმანელებს 6-0 მოუგეს. ამ მატჩში ფერან ტორესის ბენეფისი შედგა, რომელმაც მანუელ ნოიერის კარში 3 გოლი გაიტანა. ტორესი დღესაც ნაკრების წევრია და, შესაძლოა, თავის გამოჩენის შანსი კვლავ მიეცეს.
ასევე, საინტერესოა, რომ ესპანეთს გერმანიასთან ბოლო 5 მატჩი არ წაუგია (3 მოგება, 2 ფრე). ამ გუნდებმა 21-ე საუკუნეში ორი ძალიან დასამახსოვრებელი მატჩი გამართეს - ევრო 2008-ის ფინალში ესპანეთმა გერმანიას ფერნანდო ტორესის გოლით სძლია, 2010 წლის მსოფლიო ჩემპიონატის ნახევარფინალში კი „ფურია როხამ“ „ბუნდესნაკრებს“ მანუელ ნოიერის კარში კარლეს პუიოლის მიერ გატანილი გოლით მოუგო.
ესპანეთის სავარაუდო XI: უნაი სიმონი; კარვახალი, ლე ნორმანი, ლაპორტი, კუკურელია; პედრი, როდრი, ფაბიან რუისი; იამალი, მორატა, უილიამსი.
გერმანიის სავარაუდო XI: ნოიერი; კიმიხი, რიუდიგერი, ტა, რაუმი; ანდრიხი, კროოსი; მუსიალა, გიუნდოგანი, ვირცი; ჰავერცი.
ესპანელთა მხრიდან დისკვალიფიკაციის საფრთხის ქვეშ კარვახალი, ლე ნორმანი, მორატა და ვივიანი არიან, გერმანელთა რიგებიდან კი - ანდრიხი, მიტელშტადტი და რიუდიგერი.
მატჩი, რომლის მთავარი არბიტრიც ინგლისელი ენტონი ტეილორი იქნება, სტარტს 20:00 საათზე, შტუტგარტში აიღებს.
ესპანეთი მიმდინარე ტურნირზე, ჯერჯერობით, უდანაკარგოა. ლუის დე ლა ფუენტეს შეგირდებმა ჯგუფური ეტაპის პირველ ტურში ხორვატია 3-0 დაამარცხეს, შემდეგ იტალიას 1-0 სძლიეს, ბოლოს კი ალბანეთს ასევე ერთადერთი გოლით მოუგეს. „ფურია როხა“ მერვედფინალში საქართველოს შეხვდა და მიუხედავად იმისა, რომ რობინ ლე ნორმანის ავტოგოლის გამო მარცხდებოდა, მატჩი შემოატრიალა და 4-1 იმარჯვა.
ესპანელთა მსგავსად, ჯგუფში არც გერმანიას წაუგია, მაგრამ ყველა მატჩი ვერ მოიგო. „ბუნდესმანშაფტმა“ ევრო 2024-ის გახსნით მატჩში შოტლანდია 5-1 გაანადგურა, შემდეგ კი უნგრეთს 2-0 სძლია, მაგრამ მე-3 ტურში შვეიცარიასთან ფრედ ითამაშა. აღსანიშნავია, რომ იულიან ნაგელსმანის გუნდს A ჯგუფში პირველი ადგილი ნიკლას ფიულკრუგის მიერ 90’+2 წუთზე გატანილმა გოლმა მოუპოვა - რომ არა ეს გოლი, პირველ პოზიციას მურათ იაკინის შეგირდები დაიკავებდნენ. გერმანია მერვედფინალში დანიას შეხვდა და 2-0 დაამარცხა.
აღსანიშნავია, რომ გერმანიამ არსებობის ისტორიაში ერთ-ერთი ყველაზე სამარცხვინო მატჩი სწორედ ესპანეთთან განიცადა - 2020 წელს, ერთა ლიგაზე ესპანელებმა გერმანელებს 6-0 მოუგეს. ამ მატჩში ფერან ტორესის ბენეფისი შედგა, რომელმაც მანუელ ნოიერის კარში 3 გოლი გაიტანა. ტორესი დღესაც ნაკრების წევრია და, შესაძლოა, თავის გამოჩენის შანსი კვლავ მიეცეს.
ასევე, საინტერესოა, რომ ესპანეთს გერმანიასთან ბოლო 5 მატჩი არ წაუგია (3 მოგება, 2 ფრე). ამ გუნდებმა 21-ე საუკუნეში ორი ძალიან დასამახსოვრებელი მატჩი გამართეს - ევრო 2008-ის ფინალში ესპანეთმა გერმანიას ფერნანდო ტორესის გოლით სძლია, 2010 წლის მსოფლიო ჩემპიონატის ნახევარფინალში კი „ფურია როხამ“ „ბუნდესნაკრებს“ მანუელ ნოიერის კარში კარლეს პუიოლის მიერ გატანილი გოლით მოუგო.
ესპანეთის სავარაუდო XI: უნაი სიმონი; კარვახალი, ლე ნორმანი, ლაპორტი, კუკურელია; პედრი, როდრი, ფაბიან რუისი; იამალი, მორატა, უილიამსი.
გერმანიის სავარაუდო XI: ნოიერი; კიმიხი, რიუდიგერი, ტა, რაუმი; ანდრიხი, კროოსი; მუსიალა, გიუნდოგანი, ვირცი; ჰავერცი.
ესპანელთა მხრიდან დისკვალიფიკაციის საფრთხის ქვეშ კარვახალი, ლე ნორმანი, მორატა და ვივიანი არიან, გერმანელთა რიგებიდან კი - ანდრიხი, მიტელშტადტი და რიუდიგერი.
მატჩი, რომლის მთავარი არბიტრიც ინგლისელი ენტონი ტეილორი იქნება, სტარტს 20:00 საათზე, შტუტგარტში აიღებს.
დღის მეორე შეხვედრაში ერთმანეთს პორტუგალია და საფრანგეთი დაუპირისპირდებიან. პრევიუ იხილეთ აქ.
