ევრო 2024 | ნიდერლანდები ბოლო წუთზე დამარცხდა - ინგლისი ფინალშია!

თარიღი: 11 Jul 2024, 01:15

ევროპის ჩემპიონატის ნახევარფინალში ინგლისმა ნიდერლანდები დაამარცხა და ფინალში ზედიზედ მეორედ გავიდა.

მე-7 წუთზე, შესანიშნავი დარტყმით ჩავი სიმონსმა ანგარიში გახსნა, მაგრამ მალევე ჰარი კეინმა (18') პენალტით წონასწორობა აღადგინა.

81-ე წუთზე გარეთ საუთგეიტმა საკმაოდ უცნაური გადაწყვეტილება მიიღო: კეინი და ფოდენი მოედნიდან გაიყვანა, მაგრამ ეს ცვლილებები გამართლდა - ფილის ნაცვლად შესული კოულ პალმერის პასით ჰარის ნაცვლად შესულმა ოლი უოტკინსმა 90-ე წუთზე გამარჯვების გოლი გაიტანა და ინგლისს ფინალის საგზური მოუპოვა.

აღსანიშნავია, რომ "სამი ლომი" ინგლისის ფარგლებს მიღმა დიდი ტურნირის ფინალში პირველად ითამაშებს.

ფინალში ესპანეთისა და ინგლისის დაპირისპირება 14 ივლისს, 23:00 საათზე, ბერლინში შედგება.