ევრო 2024 | პორტუგალიამ ბოლო წუთებზე გატანილი გოლით მოიგო

თარიღი: 19 Jun 2024, 03:54

ევროპის ჩემპიონატის F ჯგუფში, ლაიფციგში გამართულ მატჩში პორტუგალიამ ჩეხეთი 2-1 დაამარცხა.

62-ე წუთზე ლუკაშ პროვოდმა ანგარიში გახსნა და ჩეხეთი დააწინაურა, თუმცა რობერტო მარტინესის შეგირდებმა მატჩის შემოტრიალება მაინც მოახერხეს. 69-ე წუთზე რობინ ჰრანაჩის ავტოგოლით პორტუგალიამ წონასწორობა აღადგინა, კომპენსირებულ დროში (90+2') კი თავი ფრანსიშკუ კონსეისაუმაც გამოიჩინა და "ლუზიტანელებმა" მოიგეს.

საქართველოსთან 2-ბურთიანი სხვაობით (3-1) მოგების წყალობით, F ჯგუფში პირველ ადგილზე თურქეთია, პორტუგალია მე-2 პოზიციას იკავებს, ჩეხეთი - მესამეს, საქართველო კი ბოლოზეა.

მომდევნო ტურში პორტუგალია თურქეთს შეხვდება, ჩეხეთი კი საქართველოს დაუპირისპირდება. ორივე მატჩი 22 ივნისსაა ჩანიშნული.