ავტორიზაცია
ევრო 2024: საფრანგეთისა და ნიდერლანდების ჯგუფიდან პირველი ადგილით ავსტრია გავიდა
ცოტა ხნის წინ ევროპის ჩემპიონატის D ჯგუფის მე-3 ტურის შეხვედრები დასრულდა.
დორტმუნდში საფრანგეთმა და პოლონეთმა ფრედ ითამაშეს. 56-ე წუთზე ფრანგები კილიან მბაპემ პენალტით დააწინაურა, 79-ზე კი რობერტ ლევანდოვსკიმ ასევე თერთმეტმეტრიანით უპასუხა - 1-1.
ბერლინში კი ერთმანეთს ნიდერლანდები და ავსტრია დაუპირისპირდნენ. მატჩი რალფ რანგნიკის გუნდის გამარჯვებით, 3-2 დასრულდა. ავსტრიელთა მხრიდან გოლები დონიელ მალენმა (6', OG), რომანო შმიდმა (59') და მარსელ ზაბიტცერმა (80') გაიტანეს, "ნარინჯისფერთა" რიგებიდან კი კოდი გაკპომ (47') და მემფის დეპაიმ (75'). შესაბამისად, ჯგუფიდან, რომელშიც საფრანგეთი და ნიდერლანდები იმყოფებოდნენ, პირველი ადგილით, საკმაოდ მოულოდნელად, ავსტრია გავიდა.
