ევრო 2024 | საფრანგეთმა ევროპის ჩემპიონატი მოგებით დაიწყო
![ევრო 2024 | საფრანგეთმა ევროპის ჩემპიონატი მოგებით დაიწყო](http://storage.goal.ge/uploads/posts/5DBbUTUSeyF3qW3pjItxgypp9kGVACii.jpg)
საფრანგეთის ნაკრებმა ევრო 2024-ის D ჯგუფში, დიუსელდორფში გამართულ მატჩში ავსტრია დაამარცხა.
შეხვედრის ერთადერთი გოლი 38-ე წუთზე გავიდა: კილიან მბაპეს შესანიშნავი თამაშისა და ჩაწოდების შემდეგ, მაქსიმილიან ვიობერმა ბურთი საკუთარ კარში ჩაჭრა. დარჩენილ დროში შანსები ორივე გუნდს ჰქონდა, თუმცა მეტი გოლი აღარ გასულა და "მამლებმა" 1-0 მოიგეს.
მატჩის საუკეთესო ფეხბურთელად ნ'გოლო კანტე დასახელდა.
ამ ჯგუფის პირველ შეხვედრაში ნიდერლანდებმა პოლონეთი 2-1 დაამარცხა და პირველ ადგილზე იმყოფება. საფრანგეთი მეორე პოზიციას იკავებს, პოლონეთი - მესამეს, ავსტრია კი ბოლოზეა.
მომდევნო ტურში საფრანგეთი ნიდერლანდებს შეხვდება, ავსტრია კი პოლონეთს დაუპირისპირდება. ორივე მატჩი 21 ივნისს გაიმართება.