ევრო 2024 | სერბეთი 0-1 ინგლისი

ცოტა ხნის წინ დასრულდა ევროპის ჩემპიონატის C ჯგუფში სერბეთსა და ინგლისს შორის გამართული შეხვედრა, რომელშიც ბრიტანელებმა იმარჯვეს.

მატჩის ერთადერთი გოლი პირველ ტაიმში, მე-13 წუთზე გავიდა - ბუკაიო საკას პასის შემდეგ სერბთა კარი ჯუდ ბელინგემმა თავური დარტყმით აიღო. მეორე ნახევარში სერბეთი გააქტიურდა, მაგრამ გარეთ საუთგეიტის გუნდმა თავი კარგად დაიცვა.

ამ მოგების წყალობით, ინგლისი ჯგუფში 3 ქულით პირველ ადგილზე იმყოფება, მე-2 და მე-3 ადგილებს თითო-თითო ქულით სლოვენია და დანია იყოფენ, სერბეთი კი ბოლოზეა.

მომდევნო ტურში ინგლისი დანიას დაუპირისპირდება, სერბეთი კი - სლოვენიას. ორივე მატჩი 20 ივნისს გაიმართება.