ავტორიზაცია
ევრო 2024 | უნგრეთი 1-3 შვეიცარია
ევროპის ჩემპიონატის მეორე სათამაშო დღის პირველი მატჩი დასრულდა - A ჯგუფის მეორე შეხვედრაში შვეიცარიამ უნგრეთი 3-1 დაამარცხა.
მურათ იაკინის გუნდმა სწრაფი გოლი გაიტანა და მე-12 წუთზე კვადვო დუას დარტყმით დაწინაურდა, პირველი ტაიმის მიწურულს კი მიხელ აებიშერმაც გაიტანა და შვეიცარია შესვენებაზე ორბურთიანი უპირატესობით გავიდა.
მეორე ნახევარში პირველი გოლი უნგრეთმა შეაგდო: 66-ე წუთზე, დომინიკ სობოსლაის ასისტით ბარნაბას ვარგამ 1 ბურთი გაქვითა და სხვაობა შეამცირა. მიუხედავად ამისა, მარკო როსის შეგირდებმა მეტი ვეღარ გაიტანეს და მატჩის ბოლოს საკუთარ კარში კიდევ ერთი გოლი მიიღეს - ამჯერად თავი ბრილ ემბოლომ (90+3') გამოიჩინა.
აღსანიშნავია, რომ მატჩის საუკეთესო ფეხბურთელად გრანიტ ჯაკა დასახელდა, დომინიკ სობოსლაი კი ევროპის ჩემპიონატების ისტორიაში ყველაზე ახალგაზრდა კაპიტანი გახდა.
A ჯგუფში გერმანიასა (რომელმაც გუშინ შოტლანდიას 5-1 მოუგო) და შვეიცარიას 3-3 ქულა აქვთ, მაგრამ ბურთების უკეთესი შეფარდების გამო პირველ ადგილზე "ბუნდესნაკრებია". მესამე პოზიციაზე უნგრეთი იკავებს, ბოლო ადგილზე კი შოტლანდიაა.
მე-2 ტურში შვეიცარია შოტლანდიას შეხვდება, გერმანია კი უნგრეთს დაუპირისპირდება. ორივე მატჩი 19 ივნისს გაიმართება.
