ევროპა ლიგა & კონფერენს ლიგა | ლიონმა აინტრახტი დაამარცხა, რიგასმა მაქაბისთან წააგო

ლიონმა საკუთარ მოედანზე აინტრახტი მიიღო და დრამატულ მატჩში 3-2 დაამარცხა. ფრანგთა მხრიდან გოლები რაიან შერკიმ, მალიკ ფოფანამ და ერნესტ ნუამამ გაიტანეს, გერმანელთა რიგებიდან კი თავი ანსგარ კნაუფმა და ომარ მარმუშმა გამოიჩინეს. გიორგი მიქაუტაძე მოედანზე 81-ე წუთზე, ალექსანდრ ლაკაზეტის ნაცვლად შევიდა.

რიგასი მაქაბი თელ ავივთან 2-1 დამარცხდა. ქართველების გუნდს მატჩის ბოლო წამებზე ანგარიშის გათანაბრება შეეძლო, მაგრამ მათ პენალტი ვერ გაიტანეს. ლატვიური გუნდის რიგებში ლაშა ოდიშარიამ 77 წუთი ითამაშა, ლუკა სილაგაძემ კი სკამიდან დაიწყო და თამაშში შეხვედრის ბოლოსწინა წუთზე ჩაერთო.

ლაშა დვალის აპოელ-მა კონფერენს ლიგაზე ნოას 3-1 მოუგო, თუმცა ქართველ მცველს არ უთამაშია - მან მთელი მატჩი სათადარიგოთა სკამზე გაატარა.