ევროპა ლიგა: სპურსი-რომა და ქართველები პაოკ-ის წინააღმდეგ | დღის პრევიუ

დღეს ევროპა ლიგის დღეა - მე-5 ტურში 18 მატჩს ვიხილავთ, მათ შორის, ლაშა ოდიშარიასა (რომელმაც ამ ტურნირზე გალათასარაის გაუტანა) და ლუკა სილაგაძის FK RFS-ის თამაშს პაოკ-ის წინააღმდეგ. ამასთან, გიორგი მიქაუტაძე ყარაბაღს ეთამაშება.

ტოტენჰემი 🆚 რომა

ტურის ცენტრალური შეხვედრა ლონდონში გაიმართება.

კლაუდიო რანიერი ინგლისში ბრუნდება - მისი რომა ტოტენჰემს ოფიციალურ მატჩში პირველად დაუპირისპირდება.

ანგე პოსტეკოღლუს გუნდს ევროპა ლიგაზე კარგი სტარტი ჰქონდა, მაგრამ წინა ტურში გალათასარაისთან წააგო (2-3). სპურსმა ხასიათი პრემიერ ლიგაში მანჩესტერ სიტის განადგურებით (4-0) გამოიკეთა. დღეს ლონდონელები შეეცდებიან, ევროპა ლიგაზე იტალიური კლუბების წინააღმდეგ ისტორიაში მე-3 გამარჯვება მოიპოვონ.

რაც შეეხება რომას: "ჯალოროსი" სეზონი კარგად ვერ დაიწყო - ლიგის ფაზაზე მათ 4 მატჩიდან მხოლოდ ერთი მოიგეს. ასევე, აღსანიშნავია, რომ რომას ევროპაში გასვლით მატჩებში უჭირს - ევროპა ლიგაზე გუნდმა 12 გასვლითი შეხვედრიდან მხოლოდ ერთში იმარჯვა.

ტოტენჰემის მხრიდან დომინიკ სოლანკე უნდა გამოვარჩიოთ, რომელსაც ხშირად გააქვს ან ასისტს აკეთებს, რომადან კი - სტეფან ელ შაარავი, რომელსაც სპურსის კარში გოლი გაუტანია და ამ სეზონში სერია A-ში შესანიშნავად გამოიყურება.

დღევანდელი მატჩების განრიგი:

21:45 | ანდერლეხტი 🆚 პორტუ

21:45 | ბილბაო 🆚 ელფსბორგი

21:45 | ალკმაარი 🆚 გალათასარაი

21:45 | ბეშიქთაში 🆚 მაქაბი თელ ავივი

21:45 | დინამო კიევი 🆚 ვიქტორია პლზენი

21:45 | ლაციო 🆚 ლუდოგორეცი

21:45 | ყარაბაღი 🆚 ლიონი

21:45 | FK RFS 🆚 პაოკ-ი

23:55 | ბრაგა 🆚 ჰოფენჰაიმი

23:55 | FCSB 🆚 ოლიმპიაკოსი

23:55 | ფერენცვაროში 🆚 მალმიო

23:55 | მანჩესტერ იუნაიტედი 🆚 ბოდო/გლიმტი

23:55 | მიდტიულანდი 🆚 აინტრახტი

23:55 | ნიცა 🆚 რეინჯერსი

23:55 | რეალ სოსიედადი 🆚 აიაქსი

23:55 | სლავია პრაღა 🆚 ფენერბაჰჩე

23:55 | ტოტენჰემი 🆚 რომა

23:55 | ტვენტე 🆚 როიალ სენტ-ჟილი