ევროპის ტოპ-ჩემპიონატებში ერთი 100%-იანი გუნდი დარჩა და ერთი გოლგაუშვებელი - ორივე ლა ლიგას წარმოადგენს

ევროპის ტოპ-5 ჩემპიონატებში ორი თავისებურად იდეალური გუნდი დარჩა და ორივე ლა ლიგის წარმომადგენელია.

კერძოდ, ყველა ტოპ-ჩემპიონატში 4-5, ზოგგან საერთოდ 6 ტური მიილია და ამ დრომდე, იდეალური მაჩვენებელი, ანუ ყველა მატჩი მოგებული მხოლოდ ერთ გუნდს აქვს - მადრიდის „რეალს“, რომელმაც სტარტზე „ალმერიას“ 2:1 მოუგო, „სელტას“ 4:1, შემდეგ „ესპანიოლს“ 3:1 სძლია და ბოლო ტურში იქამდე ასპროცენტიანი შედეგით მიმავალი „ბეტისი“ დაამარცხა 2:1.

„რეალის“ მსგავსად მიიწევდა წინ „არსენალიც“, რომელსაც 5-დან 5 მატჩი ჰქონდა მოგებული, თუმცა გუშინ „ოლდ ტრაფორდზე“ ფეხი დაუცდა და 1:3 დამარცხდა.

თავის მხრივ, ერთადერთი გუნდი, რომელსაც ტოპ-ჩემპიონატებში ჯერ გოლიც კი არ აქვს გაშვებული - ასევე ესპანური „ვილიარეალია“. უნაი ემერის გუნდმა „ვალიადოლიდს“ 3:0 მოუგო, „ატლეტიკოს“ 2:0, „ელჩეს“ 4:0 და „ხეტაფეს“ ფრე 0:0 ეთამაშა. 

ამჟამად „ყვითელი წყალქვეშა ნავი“ 10 ქულით ცხრილში მე-3 ადგილს იკავებს მადრიდის „რეალის“ (12) და „ბარსელონას“ (10) შემდეგ. 

"რატომ ავირჩიეთ სიტი და არა მადრიდის რეალი? ",- ჰოლანდის მამის კომენტარი