ევროპული კლუბები ლათინო ამერიკულ ბაზარს ყურადღებით აკვირდებიან - ვის უნდა ველდოთ ტოპ ლიგებში

პაბლო მაია - სან პაოლო 

2002 წელს დაბადებული ბრაზილიელი სან პაოლოს ხერხემალია, გენიალური მეპასე და თამაშის წამკითხველი ეს ყველაფერი არ გამორჩენიათ ეროვნულ გუნდში და ინგლისთან მაიას “სელესაოს“ რიგებში დებიუტიც ჰქონდა. ფეხბურთელი საოცრად გამძლე და სტაბილურია 2023 წელს მაიამ 58 შეხვედრა ჩაატარა. ინგლისში ფეხბურთელის მიმართ დიდი ინტერესია: არსენალი, ვესტ ჰემი და ფულემი სამივე ლონდონური გუნდი ფიქრობს 22 წლის ფეხბურთელი დამატებას. თან თანხაც მისაღებია ბრიტანელებისთვის სან პაოლო მხოლოდ 15 მილიონს ითხოვს თავის ფეხბურთელში. 

ავგუსტინ გაი - პალმეირასი 

რიჩარდ რიოსის თანაგუნდელი არგენტინელი ავგუსტინ გაი, რომელიც იტალიაში ძალიან დიდი პოპულარულობით სარგებლობს. მოთამაშის მიმართ ინტერესს ინტერი იჩენს. ძალიან სწრაფი მობილური და მუშა ვინგერი, რომლის დამატებაც ბევრ გუნდს გააძლიერებდა. გაი უნივერსალია, მას შეუძლია თამაში, როგორც ვინგერად ასევე მარცხენა მცველად და 3-5-2 ტაქტიკაში, მან თავისი უნარები კარგად უნდა წარმოაჩინოს.

 

ლეო ორტისი - ფლამენგო

ფლამდენგოს ცენტრალური მცველი ლეო ორტისი ბრწყინვალედ ატარებს ამ სეზონს, ის თავდაჯერებული და დამაჯერებელია დაცვაში, ფეხბურთელს ყველაზე მეტად ასაკი არ უწყობს ხელს, ბრაზილიელი უკვე 28 წლის გახლავთ და მისი წაყვანა ევროპულ კლუბებს ცოტა აშინებთ. ორტისი შარშან ახლოს იყო იუვენტუსთან, მაგრამ ტრანსფერი არ შედგა, ჯუნტოლი ბრაზილიელის თამაშით ახლაც აღფრთოვანებულია, თან იუვეს მცველი სჭირდება და შეიძლება ორტისი სწორედ ტურინულ გუნდში ვიხილოთ.