ფაბიო გროსო შვეიცარიული კლუბის მთავარი მწვრთნელის პოსტიდან დაითხოვეს

შვეიცარიულმა "სიონმა" ოფიციალური საიტის მეშვეობით გუნდის მთავარი მწვრთნელის პოსტიდან ფაბიო გროსოს გათავისუფლება დაადასტურა.

აღნიშნული გადაწყვეტილება მიმდინარე სეზონში არადამაკმაყოფილებელ შედეგებს უკავშირდება. კლუბი ახალ თავკაცს მოგვიანებით დაასახელებს.

"სიონი" შვეიცარიის ათგუნდიან ჩემპიონატში მე-9 ადგილს იკავებს და 23 მატჩში 22 ქულა აქვს მოპოვებული.

აქამდე, 43 წლის იტალიელ სპეციალისტს "იუვენტუსის" ახალგაზრდულ გუნდებში უმუშავია, გაუწვრთნია "ბარი", "ვერონა" და "ბრეშია".

ფეხბურთელის რანგში გროსო "ინტერისა" და "იუვენტუსის" მაისურით იტალიის ჩემპიონია, ხოლო იტალიის ნაკრებთან ერთად მსოფლიო ჩემპიონატი აქვს მოგებული.