ფენერბახჩემ ფრედის თაობაზე ოფიციალური შეთავაზება გააკეთა

როგორც ავტორიტეტული ინსაიდერი ფაბრიციო რომანო სოციალურ ქსელში იუწყება, თურქულმა კლუბმა მანჩესტერ "იუნაიტედს" 30 წლის ბრაზილიელის თაობაზე ოფიციალური შეთავაზება გაუგზავნა.

აღნიშნულია, რომ საუბარია 15 მილიონი ევროს შეთავაზებაზე, ბონუსების ჩათვლით. "ფენერბახჩე" ელოდება, რომ გარიგებას უახლოეს მომავალში დახურავს, მოლაპარაკებების პროცესი გრძელდება.

ფრედი მანჩესტერ "იუნაიტედში" 2018 წლის ზაფხულიდან თამაშობს. მას შემდეგ ბრაზილიელმა 213 ოფიციალური მატჩი ჩაატარა, რომელშიც 14 გოლი გაიტანა და 19 საგოლე გადაცემა გააკეთა.