ფერმინ ლოპესი: გასულ წელს მე-2 ლიგის გუნდში გადასვლა მსურდა

ბარსელონას ახალგაზრდა ფეხბურთელმა, ფერმინ ლოპესმა კატალონიის რადიოსთან ინტერვიუში განაცხადა, რომ გასულ წელს სეგუნდა დივიზიონის კლუბში გადასვლასთან ახლოს იყო.

"სიმართლეა, რომ გასულ წელს ბარსას დატოვება და მე-2 ლიგის გუნდში გადასვლა მსურდა, რადგან იმ მომენტში ვფიქრობდი, რომ ეს ჩემი კარიერისთვის კარგი ნაბიჯი იქნებოდა. მაგრამ კლუბმა დამარწმუნა, რომ პრესეზონზე ერთი კვირით პირველ გუნდთან ერთად ვყოფილიყავი. ჩავი მენდო და ამის შემდეგ ყველაფერი შესანიშნავად წავიდა," - თქვა ესპანელმა.

გასული წლის ივნისში ფერმინი იჯარით მესამელიგელ ლინარესში თამაშობდა, ახლა კი "ბლაუგრანას" პირველი გუნდის ფეხბურთელია. ლოპესმა სადებიუტო სეზონი ბარსელონას ერთ-ერთი ბომბარდირის სტატუსით დაასრულა - მან 43 მატჩში 11 გოლი გაიტანა.

აღსანიშნავია, რომ ფერმინი ესპანეთის ნაკრებშიც გამოიძახეს და ევროპის ჩემპიონატზე ითამაშებს.