ფლამენგო ჩელსის თავდამსხმელის იჯარით დამატებას გეგმავს

"ჩელსის" თავდამსხმელმა, კენედიმ კარიერა შეიძლება ბრაზილიაში გააგრძელოს, წერს ჟურნალისტი, ნიკოლო სკირა.

გავრცელებული ინფორმაციით, 25 წლის ბრაზილიელით "ფლამენგო" ინტერესდება, რომელსაც მისი დამატება იჯარით სურს. კლუბებმა მოლაპარაკებები უკვე დაიწყეს.

კენედი "ჩელსიში" 2015 წლიდან ირიცხება, "არისტოკრატებს" იგი "ფლუმინენსედან" შეუერთდა, მაგრამ ამ დროის განმავლობაში არენდით "უოტფორდის", "ნიუკასლის", "ხეტაფესა" და "გრანადას" ღირსებას იცავდა.

ლონდონურ კლუბში გატარებული 6 წლის მანძილზე კენედიმ საერთო ჯამში 27 მატჩი ჩაატარა, 3 გოლი გაიტანა და 3 შედეგიანი გადაცემა გააკეთა.