ფლორიან ვირცი კარიერას ინგლისის პრემიერ ლიგაში გააგრძელებს

გერმანიის ეროვნული ნაკრების და ლევერკუზენის შემტევი ნახევარმცველი, ფლორიან ვირცი კარიერას პრემიერ ლიგაში გააგრძელებს.

ბრიტანული მედიის ცნობით, 22 წლის გერმანელმა ლივერპულთან შეთანხმებას მიაღწია და გარიგება უახლოეს დღეებში ოფიციალურად დაიხურება. ლევერკუზენი აღნიშნული ტრანსფერიდან დაახლოებით 150 მილიონ ევრო მიიღებს.

2024/25 წლების სეზონში, ფლორიან ვირცმა ლევერკუზენის მაისურით 45 შეხვედრაში მიიღო მონაწილეობა და 16 გოლთან ერთად 15 ასისტი გაიფორმა.