ავტორიზაცია
ფრანჩესკო კამარდას ისტორიული დებიუტი ჩემპიონთა ლიგაზე
ჩემპიონთა ლიგის მე-3 ტურში, მილანსა და ბრიუგეს (3-1) შორის გამართულ მატჩში, დებიუტანტმა ფრანჩესკო კამარდამ 2 რეკორდი დაამყარა.
16 წლისა და 226 დღის კამარდამ, რომელიც მოედანზე ალვარო მორატას ნაცვლად შევიდა, მოიზე კინის შედეგი გააუმჯობესა და ჩემპიონთა ლიგის ისტორიაში ყველაზე ახალგაზრდა იტალიელი ფეხბურთელი გახდა.
ამასთან, ფრანჩესკო ყველაზე ახალგაზრდა მოთამაშეა, ვისაც აღნიშნულ ტურნირზე მილანის მაისურით უთამაშია.
აღსანიშნავია, რომ კამარდა თამაშში 75-ე წუთზე ჩაერთო და მალევე გოლიც გაიტანა, მაგრამ ის თამაშგარის გამო გაუქმდა.
კამარდა "როსონერის" აღზრდილია. ის პირველ გუნდში ოფიციალურად ჯერ არ დაუწინაურებიათ და ამჟამად მილან ფუტუროს (U23) წევრია, რომელიც სერია C-ში ასპარეზობს.
