ფულჰემი ხიმენესის შესაძენად მოლაპარაკებებს აწარმოებს

"ვულვერჰემპტონის" თავდამსხმელმა რაულ ხიმენესმა შესაძლოა კარიერა "ფულჰემში" გააგრძელოს. ამის შესახებ ჟურნალისტი ფაბრიციო რომანო იუწყება.

წყაროს ცნობით, ამჟამად ლონდონური კლუბი 32 წლის მექსიკელის ტრანსფერზე მოლაპარაკებებს აწარმოებს, რომელიც ინგლისში 2018 წლიდან თამაშობს.

ხიმენესის მოქმედი კონტრაქტი "ვულვერჰემპტონთან" 2024 წლის ზაფხულამდეა ძალაში.

გასულ სეზონში თავდამსხმელმა ვულვზში 20 მატჩი ჩაატარა, სამი გოლი გაიტანა და ერთი საგოლე გადაცემა გააკეთა.