ავტორიზაცია
გაბრიელ ჟეზუსი არსენალში რჩება
ბრაზილიის ნაკრების და ლონდონის არსენალის ფორვარდი გაბრიელ ჟეზუსი მომდევნო სეზონშიც ''მეთოფეების'' ღირსებას დაიცავს. მიკელ არტეტამ და არსენალის სპორტულმა დირექტორმა ედუმ კიდევ ერთი შანსის მიცემა გადაწყვიტეს ჟეზუსისთვის.
არსენალის თავდამსხმელმა, გასული სეზონი საკმაოდ ცუდად ჩაატარა და გულშემატკივრების იმედები ვერ გაამართლა. გაბრიელმა პრემიერ ლიგის 27 ჩატარებულ შეხვედრაში მხოლოდ 4 გოლის გატანა მოახერხა, რაც მის კარიერაში ყველაზე ცუდი შედეგია. ჟეზუსის წაყვანას აქტიურად საუდის არაბეთში ცდილობდნენ, მაგრამ არსენალმა მკაფიო უარი განაცხადა თავისი ფორვარდის გაყიდვაზე. ასევე აქტიურობდა იუვენტუსიც, მაგრამ მათთვისაც, ჟეზუსის ყიდვა შეუძლებელია, რადგან არტეტას გადაწყვეტილი აქვს, თავის შემტევის შენარჩუნება.
