გადახალისებული საფრანგეთი ტუნისთან დამარცხდა, დანიამ კი ფავორიტის სტატუსი ვერ გაამართლა და სახლში წავიდა

მსოფლიო ჩემპიონატზე D ჯგუფი ოფიციალურად დასრულდა.

თბილისის დროით 19:00 საათზე ერთდროულად ორი შეხვედრა გაიმართა, ერთში უკვე მერვედფინალისტი საფრანგეთი მეორე შემადგენლობით ტუნისს დაუპირისპირდა, მეორეში კი დანია ავსტრალიას. ევროპელებს შემდეგ ეტაპზე გასვლისთვის გამარჯვება სჭირდებოდათ.

ავსტრალია 1-0 დანია (ლეკიე, 60’)

ტუნისი 1-0 საფრანგეთი (ხაზრი, 58’)

შეიძლება ითქვას, რომ ორივე მატჩი მოულოდნელი შედეგით დაფიქსირდა - დიდიე დეშამის გუნდმა ტუნისთან წააგო, ავსტრალიამ კი ჯგუფის მეორე ფავორიტ დანიას მოუგო და ასევე მერვედფინალში გავიდა.