ავტორიზაცია
"გადაწყვეტილება მიღებული გვაქვს", - გაყიდის თუ არა ლევერკუზენი ზაფხულში შიკს?
"ლევერკუზენის" დირექტორმა, ფერნანდო კარომ განაცხადა, რომ კლუბი მომავალ ზაფხულს თავდამსხმელ პატრიკ შიკის გაყიდვას არ აპირებს.
აქამდე გავრცელებული ინფორმაციით, 26 წლის ჩეხი ფორვარდით "ბარსელონა" და "არსენალი" ინტერესდებიან.
"შიკს არ გავყიდით. ამაზე საუბარი არც კი ღირს", - ციტირებს "ფარმაცევტების" ფუნქციონერის სიტყვებს Sky Germany.
"ძალიან გვიხარია, რომ ჩვენს გუნდში თამაშობს და უახლოეს წლებში აქ იქნება, მტკიცედ გვაქვს გადაწყვეტილი", - დასძინა კარომ.
მიმდინარე სეზონში შიკმა ბუნდესლიგაში 20 მატჩი ჩაატარა, 20 გოლი გაიტანა და ბომბარდირთა დავაში რობერტ ლევანდოვსკის ("ბაიერნი") შემდეგ მეორეა.
