გალათასარაის ოსიმენის გამოსყიდვა სურს — პირველი შეთავაზება მზად არის

იჯარის დასრულების შემდეგ, გალათასარაის ვიქტორ ოსიმენის შენარჩუნება სურს და პირველ შეთავაზებას ამზადებს.

თურქული მედიის ცნობით, გალათასარაი მზად არის ნიგერიელი ფეხბურთელის სანაცვლოდ 50 მილიონი ევრო გადაიხადოს — მხარეებს შორის შეხვედრა უახლოეს პერიოდში გაიმართება.

შეგახსენებთ, რომ ვიქტორ ოსიმენმა ნაპოლი გასულ ზაფხულში დატოვა და იჯარის წესით გალათასარაიში გადავიდა. მან თურქული კლუბის მაისური 7-ჯერ მოირგო, 4 გოლი გაიტანა და 4 ასისტი გაიფორმა.