"გამოჩნდა, რომ ფეხბურთში არაფერი უსწავლია", - კეირუშმა ეტო'ოს მკაცრი კრიტიკით უპასუხა
ეგვიპტის ნაკრების მთავარმა მწვრთნელმა, კარლუშ კეირუშმა აფრიკის თასის ნახევარფინალური მატჩის წინ კამერუნის ფეხბურთის ფედერაციის პრეზიდენტის, სამუელ ეტო'ოს განცხადებაზე კომენტარი გააკეთა.
მოახლოებულ მატჩზე საუბრისას, ეტო'ომ თქვა: "ერთი მიზანი გვაქვს - ეს ხუთშაბათს გასამართი შეხვედრაა. ეს შესაძლებლობა უნდა გამოიყენოთ. მოემზადეთ, რადგან ეს ომი იქნება".
"კამერუნელი ხალხისთვის ეს ძალიან ცუდი გზავნილია", - ციტირებს პორტუგალიელი სპეციალისტის სიტყვებს ESPN-ი.
"ვფიქრობ, დაავიწყდა, რამდენიმე დღის წინ სტადიონზე კამერუნელები რომ დაიღუპნენ, ამიტომაც ერთი შეხვედრის წინ ომის გამოცხადება იმას ამტკიცებს, რომ პროფესიულ ფეხბურთში გატარებულ დროში არაფერი უსწავლია".
"ძალიან სამწუხარო კომენტარი იყო, რადგან ფეხბურთი ომი არ არის. ეს დღესასწაული, სიხარული და ბედნიერებაა".
"ომს ფეხბურთით ვუპასუხებთ".
"აქ იმისათვის ვართ, რათა ხალხი ვასიამოვნოთ და არა იმისათვის, რათა ადამიანები მოკვდნენ, მათ სიამოვნება და ცოტა სიხარული უნდა მივანიჭოთ", - დასძინა კეირუშმა.
