გარეთ საუთგეიტის შეცვლის 7 კანდიდატი
![გარეთ საუთგეიტის შეცვლის 7 კანდიდატი](http://storage.goal.ge/uploads/posts/QIls6uOW4IFKtNw0CJOBx8dY0nA8c3Cv.jpg)
The Telegraph-ის ინფორმაციით, ევროპის ჩემპიონატის ფინალში ესპანეთთან მარცხის მიუხედავად, ინგლისის ფეხბურთის ფედერაცია გარეთ საუთგეიტით კმაყოფილია და მისთვის ახალი კონტრაქტის შეთავაზებას აპირებს (ამჟამინდელი ხელშეკრულება დეკემბერში იწურება).
თუმცა, იმ შემთხვევაში, თუ 53 წლის სპეციალისტი "სამი ლომის" დატოვებას გადაწყვეტს, ფედერაციას მის შემცვლელად 7 კანდიდატი უკვე შერჩეული ჰყავს: გრემ პოტერი, მაურისიო პოჩეტინო, ტომას ტუხელი, ლი კარსლი, ფრენკ ლამპარდი და სტივენ ჯერარდი (უკანასკნელ ორ მწვრთნელს ნაკლები შანსი აქვს).
აღსანიშნავია, რომ საუთგეიტმა ინგლისი მსოფლიოს ჩემპიონატის ნახევარფინალში გაიყვანა, შემდეგ ევროპის ჩემპიონატის ფინალში ორჯერ ათამაშა, მაგრამ ტიტული არ მოუგია. მიუხედავად ამისა, ფედერაცია მას ენდობა, რადგან გარეთამდე, ნაკრებში ასეთი შედეგებიც კი არავის ჰქონია.