ავტორიზაცია
გარი ლინეკერი მანჩესტერ იუნაიტედის დაღმასვლაში ფერგიუსონს ადანაშაულებს
ყოფილმა ინგლისელმა ფეხბურთელმა, გარი ლინეკერმა მანჩესტერ იუნაიტედის დაღმასვლაში, ლეგენდარული მწვრთნელი, სერ ალექს ფერგიუსონი დაადანაშაულა.
"შეხედეთ ლივერპულს... მათ ახალი მწვრთნელი, არნე სლოტი დანიშნეს და აშკარად ჩანს, რომ იურგენ კლოპმა გუნდი ძლიერ პოზიციაში დატოვა. კლუბი კარგად ორგანიზებული იყო.
სავარაუდოდ, როცა სერ ალექს ფერგიუსონი მანჩესტერ იუნაიტედს ტოვებდა, გუნდში სხვანაირი სიტუაცია იყო. ვიცი, რომ "წითელმა ეშმაკებმა" იმ სეზონში პრემიერ ლიგა მოიგეს, მაგრამ ეს მათი საუკეთესო ვერსია არ იყო, თანაც, ბევრი დიდებული ფეხბურთელი კარიერას ასრულებდა.
ვფიქრობ, იუნაიტედს პრობლემები ჰქონდა და აკადემიიდანაც კარგი ფეხბურთელები აღარ მოდიოდნენ," — გარი ლინეკერი.
