ავტორიზაცია

გაურკვევლობა არ წყდება - კარიმ ბენზემას კლუბისთვის არ დაუდასტურებია, რომ რჩება

გაურკვევლობა არ წყდება - კარიმ ბენზემას კლუბისთვის არ დაუდასტურებია, რომ რჩება
თარიღი 02 ივნ 2023, 23:23
კარიმ ბენზემას მომავალი ჯერ კიდევ ჰაერში რჩება გამოკიდული.

გუშინ Marca-მ ექსკლუზიური ინფორმაცია წარმოადგინა მტკიცებით, რომ კარიმ ბენზემამ საუდის არაბეთის შემოთავაზებაზე უარის თქმა და 2024-ს ზაფხულამდე „რეალში“ დარჩენა გადაწყვიტა.

თუმცა, 24 საათი გავიდა, ეს ინფორმაცია კი სხვა არცერთ სანდო ჟურნალისტს ჯერ არ დაუდასტურებია, რაც გაურკვევლობას მხოლოდ ზრდის.

Cope-ს ჟურნალისტის, არანჩა როდრიგესის ინფორმაციით, ბენზემას დღემდე არ დაუდასტურებია კლუბისთვის, რომ ის გუნდში დარჩენას აპირებს, ამიტომ „რეალში“ ჯერ სულაც არ არიან დარწმუნებულები, რომ მომდევნო სეზონსაც ფრანგი მადრიდულ კლუბში დაიწყებს.