გაყიდვა და იჯარები: ფეხბურთელები, რომლებმაც, შესაძლოა, ჩელსი დატოვონ

The Athletic-ის ინფორმაციით, ჩელსი მიმდინარე სატრანსფერო ფანჯარაზე რამდენიმე ფეხბურთელის გაშვებასა და განათხოვრებას განიხილავს. 

წყაროს ცნობით, იჯარით წასვლის კანდიდატები ლესლი უგოჩუკვუ, ჰარვი ვეილი, ლეო კასტლდაინი, ელფი გილკრისტი არიან; ჩეზარე კასადეი, არმანდო ბროია და დავიდ დატრო ფოფანა კი ჩელსის, დიდი ალბათობით, პერმანენტული ტრანსფერით დატოვებენ.

გარდა ამისა, ლონდონელები რომელუ ლუკაკუს, კეპა არისაბალაგასა და ტრევო ჩალობას გაყიდვასაც განიხილავენ. ასევე, შესაძლოა, ინგლისურმა კლუბმა ბენ ჩილუელი, ჯორჯე პეტროვიჩი და კონორ გალაჰერიც გაასხვისოს.