ავტორიზაცია
გერმანია 5-1 შოტლანდია | მასპინძლებმა ევრო 2024-ის გახსნით მატჩში დამაჯერებლად იმარჯვეს
2024 წლის ევროპის ჩემპიონატი დაიწყო - გახსნით მატჩში მასპინძელმა გერმანიამ "ალიანც არენაზე" შოტლანდია 5-1 გაანადგურა.
მატჩი თავიდანვე გერმანელთა დიდი უპირატესობით წარიმართა. მე-10 წუთზე ფლორიან ვირტცმა ანგარიში გახსნა, მალევე კი შესანიშნავი კომბინაცია ჯამალ მუსიალამ (19') დააგვირგვინა. ტაიმის მიწურულს, ილქაი გიუნდოგანის წინააღმდეგ ძალიან უხეში თამაშის გამო, მთავარმა მსაჯმა კლემან ტიურპენმა რაიან პორტეუსი მოედნიდან გააძევა და სკოტების კარში პენალტი დანიშნა, რომელიც კაი ჰავერტცმა (45+1') გამოიყენა.
მატჩი თავიდანვე გერმანელთა დიდი უპირატესობით წარიმართა. მე-10 წუთზე ფლორიან ვირტცმა ანგარიში გახსნა, მალევე კი შესანიშნავი კომბინაცია ჯამალ მუსიალამ (19') დააგვირგვინა. ტაიმის მიწურულს, ილქაი გიუნდოგანის წინააღმდეგ ძალიან უხეში თამაშის გამო, მთავარმა მსაჯმა კლემან ტიურპენმა რაიან პორტეუსი მოედნიდან გააძევა და სკოტების კარში პენალტი დანიშნა, რომელიც კაი ჰავერტცმა (45+1') გამოიყენა.
მეორე ტაიმში სტივ კლარკის გუნდმა შედარებით დიდხანს გაძლო, მაგრამ საბოლოოდ, გოლები მაინც გაუშვა: 68-ე წუთზე მოედანზე ახლადგამოსულმა ნიკლას ფიულკრუგმა უძლიერესი დარტყმით ანგუს განს შანსი არ დაუტოვა. ამის შემდეგ "ბუნდესნაკრები" ცოტათი მოეშვა და 1 გოლი საკუთარ კარშიც მიიღო: ანტონიო რიუდიგერს (87') ბურთი თავში მოხვდა და კარისკენ ძალიან ძლიერად წავიდა - მანუელ ნოიერმა რეაქცია ვერ მოასწრო და რეალ მადრიდის მცველმა ავტოგოლი მიითვალა. მიუხედავად ამისა, მე-3 კომპენსირებულ წუთზე ემრე ჯანმა შორეული დარტყმით მეკარისგან დაბალ კუთხეში შეაგდო და "მანშაფტმა" 5-1 მოიგო.
მატჩის საუკეთესო ფეხბურთელად ჯამალ მუსიალა დასახელდა, ფლორიან ვირტცი კი, 21 წლისა და 42 დღის ასაკში, ყველაზე ახალგაზრდა გერმანელი მამაკაცი მოთამაშე გახდა, რომელსაც ევროპის ჩემპიონატებზე გაუტანია - მან კაი ჰავერტცის რეკორდი მოხსნა.
აღსანიშნავია, რომ გერმანიამ ამ ანგარიშით ერთდროულად რამდენიმე მიღწევა დააფიქსირა - "ბუნდესნაკრებმა" ევროპის ჩემპიონატებზე პირველ ტაიმში 3 გოლი პირველად შეაგდო, 4-ბურთიანი სხვაობით პირველად მოიგო და 5 გოლიც პირველად გაიტანა.
გერმანია A ჯგუფში პირველ ადგილს იკავებს. ჯგუფის მეორე შეხვედრა, რომელშიც ერთმანეთს უნგრეთი და შვეიცარია დაუპირისპირდებიან, დღეს, კიოლნში, თბილისის დროით 17:00 საათზე გაიმართება.
აღსანიშნავია, რომ გერმანიამ ამ ანგარიშით ერთდროულად რამდენიმე მიღწევა დააფიქსირა - "ბუნდესნაკრებმა" ევროპის ჩემპიონატებზე პირველ ტაიმში 3 გოლი პირველად შეაგდო, 4-ბურთიანი სხვაობით პირველად მოიგო და 5 გოლიც პირველად გაიტანა.
გერმანია A ჯგუფში პირველ ადგილს იკავებს. ჯგუფის მეორე შეხვედრა, რომელშიც ერთმანეთს უნგრეთი და შვეიცარია დაუპირისპირდებიან, დღეს, კიოლნში, თბილისის დროით 17:00 საათზე გაიმართება.
თავად გერმანია მომდევნო მატჩში, 19 ივნისს უნგრეთს შეხვდება.
