გიგა ოჩხიკიძე პარაბირთვის კვრაში მსოფლიოს ჩემპიონია

 
გამარჯვების შესახებ გიგა ოჩხიკიძემ Goal.ge-სთან ისაუბრა:

 
„ჩემთვის ძალიან სასიხარულოა ეს გამარჯვება, მიხარია რომ საქართველოს ოქროს მედალი მოვუტანე, ამ გამარჯვებით ევროპისა და მსოფლიოს ჩემპიონატების რეკორდი მოვხსენი და პირველი მსოფლიოს ჩემპიონი გავხდი საქართველოდან პარამძლეოსნობაში. ძალიან ძლიერი მეტოქეები მყავდა, ვაჯობე მსოფლიოს მოქმედ ჩემპიონსა და პარალიმპიური თამაშების ვიცე-ჩემპიონს. ამ გამარჯვებით ასევე პარაოლიმპიურ თამაშებზე ასპარეზობის უფლება მოვიპოვე, რაც ახალი შესაძლებლობაა ჩემთვის.

 
ადრე მკლავჭიდში ვასპარეზობდი, 2018 წელს მსოფლიოს ჩემპიონატზე მედალი მოვიპოვე. 2 წელია რაც პარამძლეოსნობაში ვასპარეზობ. მსოფლიოს ჩემპიონატისთვის განსაკუთრებული მონდომებით ვემზადებოდი, თუმცა შედეგმა ყოველგვარ მოლოდინს გადააჭარბა. პარიზის პარალიმპიურ თამაშებზე ფავორიტის რანგში ჩავდივარ და იქაც ჩემპიონობისთვის ვიბრძოლებ,“ - განაცხადა გიგა ოჩხიკიძემ.