გიორგი ჩაკვეტაძის ტრანსფერით მოსკოვის დინამო ინტერესდება - ამ საკითხზე ფეხბურთელის აგენტმა კომენტარი გააკეთა

ამის შესახებ Legalbet-ის ჟურნალისტი ანარ იბრაგიმოვი იტყობინება.

გამოცემა ჩაკვეს აგენტის როჯერ ჰენტორაის კომენტარსაც ავრცელებს, სადაც ის ფეხბურთელის მომავალზე საუბრობს.

„დიახ, გავიგე, რომ დინამო გიორგით არის დაინტერესებული. ამის შესახებ ჩემმა პარტნიორმა საქართველოდან მითხრა. მაგრამ დარწმუნებული არ ვარ, რომ ფეხბურთელი იქ წავა. ჩვენ გვაქვს სხვა ვარიანტი. “, - განაცხადა ფეხბურთელის აგენტმა როჯერ ჰენტორაიმ.

გასულ სეზონში ჩაკვეტაძე იჯარით "სლოვანში" თამაშობდა, რომლის შემადგენლობაშიც ყველა ტურნირზე 47 მატჩი ჩაატარა, ერთი გოლი გაიტანა და 9 საგოლე გადაცემა გააკეთა.