გიორგი დევდარიანი ბოლნისის სიონის მთავარი მწვრთნელი გახდა

ბოლნისის სიონის მთავარი მწვრთნელის პოსტზე გიორგი დევდარიანი დაინიშნა - ინფორმაციას 22 მოთამაშე / 22 Players ავრცელებს.

წყაროს ცნობით, 51 წლის ქართველი სპეციალისტი სამწვრთნელო საქმიანობას დაუბრუნდა და ეროვნული ლიგა 2-ის გუნდი, ბოლნისის სიონი ჩაიბარა.

შეგახსენებთ, რომ გიორგი დევდარიანმა სამწვრთნელო კარიერა 2001 წელს საფეხბურთო კლუბ თბილისში დაიწყო. სხვადასხვა დროს კი თბილისის დინამოს, გორის დილას, თბილისის ლოკომოტივის და საქართველოს ასაკობრივი ნაკრებების მთავარ მწვრთნელად მუშაობდა.

კრისტალბეთ ეროვნული ლიგა 2-ის მიმდინარე სეზონში, ბოლნისის სიონმა 3 მატჩიდან 2 წააგო, 1 მოიგო და სატურნირო ცხრილში მე-6 ადგილზე იმყოფება.