ავტორიზაცია
გიორგი მამარდაშვილი: კვარაცხელია მთელ ესპანეთზე უკეთესია
გიორგი მამარდაშვილმა ევროპის ჩემპიონატის მერვედფინალში ესპანეთის წინააღმდეგ გასამართ მატჩამდე მედიასთან ისაუბრა.
"ხვიჩა კვარაცხელია მთელ ესპანეთზე უკეთესია.
არ ვამბობ, რომ მოვიგებთ, მაგრამ ვიბრძოლებთ და ვნახავთ, რა მოხდება. ესპანეთი ფავორიტია, თუმცა დათმობას არ ვაპირებთ. ევროზე შესანიშნავად გამოვიყურებით. ახლა უნდა ვისიამოვნოთ.
დაცვაში კარგად თამაში გვმართებს და კონტრშეტევებზე ვიფიქროთ. სახიფათო თავდამსხმელები გვყავს. ბრძოლა და კონცენტრაცია გვმართებს.
ესპანეთთან 1-7 წაგება უიღბლობის ბრალი იყო," - განაცხადა ქართველმა მეკარემ.
საქართველო პორტუგალიის დამარცხების შემდეგ ოპტიმისტურადაა და 23:00 საათზე, კიოლნში, კვლავ შეეცდება, საფეხბურთო სამყარო გააოცოს.
