გიორგი მამარდაშვილის სატრანსფერო ღირებულება შემცირდა

ავტორიტეტულმა გერმანულმა სააგენტო Transfermarkt-მა ლა ლიგაში მოასპარეზე ფეხბურთელთა სატრანსფერო ფასები განაახლა.

ცვლილება საქართველოს ნაკრებისა და "ვალენსიას" 24 წლის მეკარეს გიორგი მამარდაშვილსაც შეეხო.

მამარდაშვილის სატრანსფერო ფასი 5 მილიონით შემცირდა და ამჟამად, 40 მილიონ ევროს შეადგენს.

ქართველმა მეკარემ ლა ლიგის მიმდინარე გათამაშებაში 14 მატჩი ჩაატარა, რომელშიც 22 გოლი გაუშვა და კარის მშრალად შენახვა 3-ჯერ შეძლო.