გიორგი ქინქლაძის მიმართვა ქომაგებს: წარმატება ყოველთვის არ არის მოგება

ლეგენდარულმა ქართველმა ფეხბურთელმა, გიორგი ქინქლაძემ სოციალური ქსელის მეშვეობით ჩვენი ნაკრების ქომაგებს მიმართა.

"წარმატება ყოველთვის არ არის მოგება, ეს არის ის, თუ როგორ გამოჩნდები და იბრძოლებ. წაგების მიუხედავად, ჩვენი ახალგაზრდა გუნდი ბრწყინავდა და ყველას გვაამაყებდა. მხოლოდ ერთ თამაშში ამ შესანიშნავმა ბავშვებმა საქართველო გააცნეს მსოფლიოს.

გულშემატკივრებს მოგიწოდებთ, არ გააკრიტიკოთ, არამედ იზეიმოთ ეს მომენტი. ჩვენ ძალიან ბევრი გვაქვს საამაყო და ჩვენი მოგზაურობა ევრო 2024-ზე მხოლოდ ახლა იწყება. დაუდექით ჩვენს გუნდს, მხარი დაუჭირეთ მათ და ისიამოვნეთ წარმოუდგენელი ფეხბურთით, რომელსაც ისინი საერთაშორისო ასპარეზზე აჩვენებენ.

შეიძლება ყოველთვის ვერ გაიტანო გოლი, შეიძლება შეცდომები დაუშვა და ეს თამაშის ნაწილია, მაგრამ თავდადება და სულისკვეთება ყველას შთააგონებს. თავი მაღლა აწიეთ, ჩვენ ერთად ყველაფერი შეგვიძლია. დიდი სიყვარული და პატივისცემა ყველა ქართველ გულშემატკივარს!" - დაწერა ქინქლაძემ Facebook-ზე.

საქართველომ ევროპის ჩემპიონატზე სადებიუტო მატჩი თურქეთთან 1-3 წააგო, შემდეგ შეხვედრას კი ხვალ, ჩეხეთის წინააღმდეგ გამართავს.