ავტორიზაცია
გიორგი ქოჩორაშვილი ახალ კლუბს შეუერთდება
იმის მიუხედავად, რომ ზამთრის სატრანსფერო ფანჯარა უკვე დასრულდა, გუნდები ახალი სეზონისთვის მზადებას უკვე შეუდგნენ. ასეთი გუნდია სპორტინგიც, რომელიც 2025/26 სეზონისთვის გაძლიერებას უკვე იწყებს.
პორტუგალიურ გავლენიან გამოცემა Record-ს თუ დავუჯერებთ, სპორტინგი გიორგი ქოჩორაშილის გაფორმებასთან ახლოსაა და თუ ყველაფერი გეგმის მიხედვით წავა, 25 წლის ქართველი ნახევარმცველი ახალ სეზონს ლისაბონურ კლუბში დაიწყებს.
სპორტინგი გუნდის სპორტულმა დირექტორმა უგო ვიანამ დატოვა, თუმცა მან გიორგი ქოჩორაშვილის სახით პატარა საჩუქარი დაუტოვა ახალ მენეჯერს. როგორც პორტუგალიაში წერენ, ქართველი ფეხბურთელის ტრანსფერი დროის საკითხია და მხარეები გარიგების ბოლო დეტალებს უახლოეს თვეებში მოაგვარებენ.
გიორგი ქოჩორაშვილს ლევანტესთან არსებული კონტრაქტი 2027 წლამდე აკავშირებს. ვალენსიური კლუბი ქართველ ფეხბურთელს დაახლოებით €10 მილიონად აფასებს. მოსალოდნელია სხვა კლუბების გააქტიურებაც, თუმცა ამ მომენტისთვის ფავორიტი სპორტინგია.
