ავტორიზაცია
გიორგი წიტაიშვილი: უკრაინის მაისურით თამაში საქართველოს მაისურის ტარებას ვერ შეედრება
ერთა ლიგაზე უკრაინასთან გამართული მატჩის (1-1) შემდეგ, საქართველოს ნაკრების ფეხბურთელმა, გიორგი წიტაიშვილმა კომენტარი გააკეთა.
"სჯობს, ჩემი თამაში მწვრთნელებმა შეაფასონ. მე საკუთარ თავზე საუბარი არ მიყვარს.
რა თქმა უნდა, უკრაინა ძლიერი გუნდია. მათ ფეხბურთელების თითქმის 80% ტოპ ჩემპიონატებში ჰყავს.
ძალიან დიდი მოტივაციით გამოვედით, რადგან პირველი მატჩი ისეთი არ გამოვიდა, როგორიც საჭირო იყო. კარგად ვითამაშეთ, მატჩს ვაკონტროლებდით. მათ მეორე ტაიმში მომენტები არ შევაქმნევინეთ და ვფიქრობ, მოგებას ვიმსახურებდით.
ორმაგი მოტივაციით ვიყავი. რა თქმა უნდა, უკრაინის მაისურით თამაში საქართველოს მაისურის ტარებას ვერ შეედრება.
ჩემთვის ძალიან მნიშვნელოვანი იყო, რომ მოგვეგო, მაგრამ, იმედია, ჩეხეთთან ყველაფერი კარგად იქნება," - განაცხადა ქართველმა.
შეგახსენებთ, წიტა ახალგაზრდულ დონეზე უკრაინის ასაკობრივ ნაკრებებში თამაშობდა და 20-წლამდე ნაკრებთან ერთად მსოფლიო ჩემპიონიც გახდა (მეტიც, ფინალში სამხრეთ კორეას გოლიც გაუტანა), მაგრამ, საბოლოოდ, მან საქართველოს ეროვნული ნაკრები აირჩია.
