გიჟური შეთავაზებები საუდი პრო ლიგიდან - რიუდიგერს შეუძლია, მსოფლიოში ყველაზე მაღალანაზღაურებადი მცველი გახდეს

Sky Sports-ის ინფორმაციით, ანტონიო რიუდიგერს საუდის არაბეთიდან ძალიან სარფიანი შეთავაზებები აქვს, რომელიმე წინადადების მიღების შემთხვევაში კი მსოფლიოში ყველაზე მაღალანაზღაურებადი მცველი გახდება.

გერმანელი ფეხბურთელის ტრანსფერისთვის ალ ჰილალი და ალ ნასრი იბრძვიან - 31 წლის მოთამაშეს ორივე კლუბი გიჟურ კონტრაქტს სთავაზობს. თუმცა, ნაკლებად სავარაუდოა, ანტონიომ კარიერის ამ ეტაპზე რეალი დატოვოს. გარდა ამისა, დიდი ალბათობით, მის თაობაზე მიღებულ წინადადებებს არც მადრიდული გრანდი განიხილავს.

რიუდიგერი გასულ სეზონში ბრწყინვალე იყო. მან გუნდთან ერთად ტრებლი იზეიმა და წარმატებებში უდიდესი წვლილი შეიტანა. თანაც, იმის ფონზე, რომ რეალი ნაჩო ფერნანდესმა დატოვა და დავიდ ალაბა ტრავმის გამო ოქტომბრამდე ვერ ითამაშებს, ანტონიოს გაყიდვა ნამდვილად გაუგებარი გადაწყვეტილება იქნება.

გერმანელს "ლოს ბლანკოსთან" კონტრაქტი 2026 წლის 30 ივნისამდე აკავშირებს. Transfermakrt-ი მას €25 მილიონად აფასებს.