Golden Boy-ს 20 ფინალისტი ცნობილია

იტალიურმა გამოცემა Tuttosport-მა 2024 წლის Golden Boy-ს 20 ფინალისტი დაასახელა.

Golden Boy, რომელიც უმაღლეს ლიგაში მოთამაშე წლის საუკეთესო ახალგაზრდა (21-წლამდე) ფეხბურთელს გადაეცემა, 2003 წელს Tuttosport-ის ჟურნალისტებმა დააარსეს - მისი პირველი გამარჯვებული რაფაელ ვან დერ ვაარტი გახდა, ბოლო მფლობელი კი ჯუდ ბელინგემია.

"ოქროს ბიჭუნას" ყველაზე მეტი, 4 მფლობელი ესპანეთს ჰყავს; ინგლისსა და საფრანგეთს - 3;

ნიდერლანდებს, არგენტინას, ბრაზილიასა და პორტუგალიას - 2; იტალიას, გერმანიასა და ნორვეგიას კი - 1. ამ მხრივ, კლუბებს შორის, 3-3 გამარჯვებულით, ბარსელონა, დორტმუნდი და მანჩესტერ იუნაიტედი ლიდერობენ.

2024 წელს აღნიშნული პრიზისთვის იბრძოლებენ:

• ლამინ იამალი | ბარსელონა

• ჟოაუ ნევეში | პარი სენ-ჟერმენი

• უორენ ზაირ-ემერი | პარი სენ-ჟერმენი

• ალეხანდრო გარნაჩო | მანჩესტერ იუნაიტედი

• პაუ კუბარსი | ბარსელონა

• სავიო | მანჩესტერ სიტი

• რიკო ლუისი | მანჩესტერ სიტი 

• ალექსანდარ პავლოვიჩი | ბაიერნი

• კობი მეინუ | მანჩესტერ იუნაიტედი

• ჯორელ ჰატო | აიაქსი

• ლენი იორო | მანჩესტერ იუნაიტედი

• ჯეიმი ბაინო-გიტენსი | დორტმუნდი

• ქენან ილდიზი | იუვენტუსი

• კრისტიან მოსკერა | ვალენსია

• ადამ უორტონი | კრისტალ პალასი

• არდა გიულერი | რეალ მადრიდი

• მატის ტელი | ბაიერნი

• დეზირე დუე | პარი სენ-ჟერმენი

• ოსკარ გლუხი | ზალცბურგი 

• სამუელ ომოროდიონი | პორტუ

გამარჯვებული 16 დეკემბერს, ტურინში გასამართ გალა ღონისძიებაზე გამოვლინდება.