ავტორიზაცია
გუდმუდსონის მომავალი ამ ეტაპზე გაურკვეველია
იტალიის სერია ას მსვლელობისას, ყველა ტოპ კლუბი ერთ ფეხბურთელზე საუბრობდა და მისი სახელია ალბერტ გუდმუდსონი. ჯენოას ისლანდიელმა თავდამსხმელმა, საოცარი სეზონი ჩაატარა და ნამდვილად დაიმსახურა გრანდების ყურადღება. გუდმუდსონმა გასულ სერია ას გათამაშებაში 35 შეხვედრაში 14 გოლის გატანა მოახერხა და ამის გარდა, გუნდის წარმატებაზე უდიდეს გავლენას ახდენდა.
გუდმუდსონი ძალიან მოძრავი და მაღალი გოლის ალღოს მქონე ფეხბურთელია, მას სუფთა ცხრიანის გარდა, ასევე გამთამაშებლის პოზიციაზე შეუძლია თამაში. გუდმუდსონს ''გრიფონები'' 30 მილიონად აფასებენ და ჯერ-ჯერობით არ ჩანს გუნდი, რომელიც ამ თანხას გადაიხდის. გასაგებია, რომ ისლანდიელიო 27 წლისაა და რეალურად მას ტოპ დონეზე ჯერ არ უთამაშია, მაგრამ ის გამორჩეული მოთამაშეა თავისი სათამაშო სტილით, მსგავსი მოძრავი და ტვინით მოთამაშე ფორვარდები ბევრნი არ დარჩნენ და მისი წაყვანა ნამდვილად ღირს გარისკვად. ასევე სეზონის ბოლოს დაიწერა ტოტენჰემის ინტერესზე, მაგრამ '''ლონდონურმა'' გუნდმა ისლანდიელის დამატებაზე უარი თქვა.
ჯენოაში რა თქმა უნდა არ იქნებიან წინააღმდეგნი, რომ მათი საუკეთესო მოთამაშე, მათთან დარჩეს. ალბერტო ჯილარდინო არ მალავს დიდ სიყვარულს მოთამაშის მიმართ და მისი თქმით ის ბედნიერი იქნება თუ ალბერტი მომდევნო სეზონშიც ჯენოაში ითამაშებს. მართლაც ამ მომენტისთვის გუნდები ჩუმად არიან და გუდმუდსონის მიმართ ინტერესმა იკლო, მაგრამ სატრანსფერო ფანჯარა მხოლოდ ეხლა ხურდება და არ გამოვრიცხოთ, რომ ისლანდიელი თავდამსხმელი ახალ სეზონში უფრო ძლიერ კლუბში ვიხილოთ.
