ავტორიზაცია
გურამ კაშია პიუნიკთან მატჩზე: "ჯგუფის მოგების შანსი გვაქვს და ამ შანსის გამოყენებას მაქსიმალურად უნდა ვეცადოთ"
ხვალ, უეფას კონფერენსლიგის მე-5 ტურში ბრატისლავის "სლოვანი" საკუთარ მოედანზე ერევნის "პიუნიკს" დაუპირისპირდება.
მატჩის წინ გამართულ პრესკონფერენციაზე ვლადიმირ ვაისთან ერთად საქართველოს ნაკრების კაპიტანმა გურამ კაშიამ ისაუბრა.
"ფეხბურთში ყოველთვის განსხვავებული მოვლენაა, როცა მეზობლებს ეთამაშები. მსგავს მატჩებს ფანები უფრო აღტაცებით უყურებენ.
პიუნიკი ხარისხიანი გუნდია, მათთან პირველ შეხვედრაში რამდენიმე სირთულე გვქონდა, განსაკუთრებით პირველ ტაიმში. ჯგუფში პირველი მატჩის წინ ვთქვი, რომ არცერთი მატჩი არ იქნებოდა იოლი და ეს ყველაფერი დადასტურდა კიდეც. ფაქტი ერთია, ძალიან დაბალანსებული ჯგუფია.
ჯგუფის მოგების შანსი გვაქვს და ამ შანსის გამოყენებას მაქსიმალურად უნდა ვეცადოთ. ევროტურნირებზე მარტივი თამაშები არ არსებობს, ხვალაც ძლიერ მოწინააღმდეგესთან გვექნება საქმე," - თქვა კაშიამ.
"სლოვანსა" და "პიუნიკს" შორის შეხვედრა ხვალ, 27 ოქტომბერს გაიმართება.
