გვარდიოლა ინგლისის თასიდან გამოვარდნის შემდეგ: "როგორც იქნა, ერთი-ორი დასვენების დღე გვექნება"
"მანჩესტერ სიტის" მთავარმა მწვრთნელმა, ხოსეპ გვარდიოლამ ინგლისის თასის ნახევარფინალში "ლივერპულთან" (2:3) მარცხის შემდეგ განცხადება გააკეთა.
"მძიმე პირველი ტაიმის შემდეგ ბოლომდე დავიხარჯეთ. რაც შეეხება პირველ გოლს, ისინი ძალიან, ძალიან ძლიერები არიან სტანდარტების დროს".
"მეორე გოლი უბედური შემთხვევა იყო. თამაშში დაბრუნება რთული იყო, მაგრამ მეორე ნახევარში ფეხბურთელებმა ეს შესანიშნავად გააკეთეს".
"შესვენების შემდეგ ჩვენი იმპულსი გამოიკვეთა. ანგარიშის გათანაბრების შანსები გვქონდა. მეორე ტაიმში ბიჭებმა სიამაყე გამოავლინეს".
"საკითხი დაღლილობაში არ მდგომარეობს. პირველ ტაიმში ისინი უფრო დაღლილები იყვნენ, ფეხბურთი არა დაღლილობა, არამედ ისაა, რასაც აკეთებ, როგორ მუშაობს ეს და როგორ თამაშობ".
"როგორც იქნა, ერთი-ორი დასვენების დღე გვექნება. ვიცით, რომ წინ შვიდი მატჩი და ჩემპიონთა ლიგაა, ყველანაირად ვეცდებით და ვნახოთ, რა გამოვა", - ციტირებს გვარდიოლას სიტყვებს BBC.
