ავტორიზაცია

გვარდიოლა: "იტალიური გუნდები 0:0-ზე ფიქრობენ რომ იგებენ, ჩვენ კი გვგონია, რომ ვმარცხდებით"

გვარდიოლა: "იტალიური გუნდები 0:0-ზე ფიქრობენ რომ იგებენ, ჩვენ კი გვგონია, რომ ვმარცხდებით"
თარიღი 09 ივნ 2023, 23:45
პეპ გვარდიოლამ ჩემპიონთა ლიგის ფინალის წინ პრესასთან ისაუბრა.

„მანჩესტერ სიტის“ მწვრთნელმა გეგმის გაყოლასა და თავისუფლებას შორის ბალანსზე ისაუბრა.

„გეგმის გაყოლა სტაბილურობას გაძლევს. გარკვეულ მომენტებში გეგმას აუცილებლად უნდა დაუბრუნდე. უსაფრთხოებისთვის უნდა იცოდე, რა უნდა გააკეთო. ზოგჯერ თამაში უბრალოდ შეშლილი ხდება. თუ ყველაფერი კარგად მიდის, ჩვენ ან უფრო მეტ ფორვარდს ვათამაშებთ, ან თავს ვიცავთ.

არის მომენტები, როცა არანაირი ტაქტიკა აღარაა მნიშვნელოვანი, მხოლოდ დიდი სურვილი ყველაფერი დამოკიდებულია თამაშზე, მაგრამ ფინალში სტაბილური უნდა იყო. საჭიროა კონტროლიც, რადგან მეტოქე - დაცვის ოსტატია. მომთმენი უნდა იყო.

მთავარი აქ ის არის, რომ 0:0-ს დროს ჩვენ ვფიქრობთ, რომ ვმარცხდებით, მაგრამ ეს ასე არ არის. იტალიურ გუნდებს ჰგონიათ, რომ ისინი ამ ანგარიშზე იგებენ. ნებისმიერ შემთხვევაში იყავით სტაბილურები, ცუდ მომენტებში კი წინ გადადგით ნაბიჯი.

არასდროს არ იცი, ანგარიში 1:0 გახდება თუ 0:1. ორივე შემთხვევაში სტაბილური უნდა იყო.“, - აღნიშნა გვარდიოლამ.